Sinampahan na ng kasong 3 counts of Murder ang suspek sa pagpatay sa isang ina at dalawa nitong anak noong nakaraang linggo sa San Jose, Romblon.
Kinilala ni PSSgt. Van Sixon ng San Jose MPS ang suspek na si Patrick Rufino Cahilig, 35 anyos, residente ng Sitio Miason, Brgy. Busay, San Jose, Romblon na inaresto noong Enero 28, 2022.
Ayon kay PSSgt. Sixon, posibleng nagtampo ang suspek nang tanggalin ito sa trabaho bilang construction worker sa ipinapagawang bahay ng biktima.
Positibo umanong kinilala ng saksi na si Charlie Mendoza Seraspi ang suspek na kalive-in partner pala ng kanyang ina.
Si Cahilig raw ang huling nakita nito sa crime scene bago madiskubre ang karumaldumal na krimen.
Ayon pa dito, tumunog ang kadena sa likod ng kanilang bahay madaling araw ng January 25 kaya napasilip ito at nakita ang suspek na palabas ng bahay ng biktima ngunit hindi niya ito pinansin at natulog ulit.
Magugunitang, natagpuan ang mga duguan at nakahandusay na katawan ng mga biktimang sina Wielyn Maximo Mendoza, 29 anyos, anak na si TJ, 9 anyos, at kapatid nitong si JB, 7 anyos, sa loob ng kanilang pamamahay.
Ayon kay PSSgt. Sixon, hanggang sa mga sandaling ito ay hindi pa rin umaamin ang suspek sa krimen. MAS/RT
Isang bulto ng shabu at granada ang nakuha ng mga awtoridad mula sa isang karpintero…
NABANGGA ng traysikel ang isang suv sa bahagi ng Capitol Site, Osmena Avenue, Kalibo ngayong…
BUMANGGA sa poste at inararo ng isang pampasaherong bus ang nakaparadang truck at L300 Van…
Nasa pink zone status na ng ASF o African Swine Fever ang limang munisipalidad sa…
NAKUHAAN ng mga drug paraphernalia ang isang kusinero sa checkpoint ng kapulisan sa bahagi ng…
AABOT na sa halos P1.3 milyon na halaga ng shabu ang narekober sa mga ikinasang…