Pangatlong Kaso ng Covid-19 sa Antique, Naitala

Naitala na ang pangatlong kaso ng Covid-19 sa Probinsya ng Antique ito ang kinumperma ni Antique Governor Rhodora Cadiao na ang nasabing probinsya ay may tatlong confirmed covid-19 case na.

Ang pangatlong positive patient ay residente ng Cebu City at dumating sa Semirara Island noong March 12,2020 at katrabaho umano ng naunang pasyenteng nagpositibo.

Base sa natanggap na official result galing sa Department of Health Center for Development VI na ang nasabing kaso ay Asymptomatic at nasa maayos na kundisyon.

Aniya ang bagong kaso ay kabilang sa isinagawang contact tracing matapos mapag-alaman ang unang kaso.

Sa ngayon ay naka-isolate sa Semirara Island ang pangatlong pasyente.