Kahit anong klase ng face shield pwede, maliban sa improvised mineral water bottle – LTO6

PAYAG ang Land Transportation Office 6 9LTO6) sa anumang klase ng face shield maliban lamang sa improvised na gawa sa mineral water bottle.

Pahayag ni LTO 6 Assistant Regional Director Gaudioso Geduspan, may posibilidad na matusok ang mata ng magsusuot ng mga improvised face shield na gawa lamang sa mineral water bottle.

Reckless driving ang magiging bayolasyon ng sinumang Public Utility Vehicle na mahuhuling magpapasakay ng mga pasahero na walang suot na face shield saad pa ni Geduspan.

Simula bukas, Agosto 15, magsisimula na ang implementasyon ng mandatory wearing of face shield sa mga pampublikong transportasyon at sa lahat ng mga empleyadong papasok sa kani-kanilang pook-gawaan.
Via: Aksyon Radyo Iloilo