BAHAY NG ISANG PAMILYA SA ILOILO NA POSITIBO SA COVID-19, PINAGBABATO

Umapela si Mayor Reymor Gonzales ng Lambunao, Iloilo sa kanyang mamamayan na tratuhin ng maayos ang 6 na myembro ng isang pamilya na tinamaan ng covid 19.

Ito ay matapos makarating sa kanya ng impormasyon na umano’y pinagbabato ang bahay ng pamilya.

Kaagad namang rumesponde ang mga pulis matapos matanggap ang report mula sa alkalde subalit wala silang nahuling suspek ayon kay PMaj Jogen Suegay ng Lambunao police station.

Base sa inisyal na imbestigasyon, posibleng nakasakay sa motorsiklo ang suspek o mga suspek ng nambato.

Ayon naman sa may ari ng bahay na Hindi nila narinig ang pambabato sa kanila dahil nananalangin sila ng mga oras na iyon at ang kapitbahay lamang nila ang nagsabi sa kanila ng insidente.