Connect with us

Capiz News

Lalaki nagpakamatay sa Roxas City matapos umanong iwan ng live-in partner

Published

on

Isang 27-anyos na lalaki ang natagpuang patay sa kanilang bahay sa Roxas City umaga ng Miyerkoles, Marso 4, matapos magbigti.

Sa eklusibong panayam ni KaTodong Butchoy Gardose, sinabi ng ina, na posibleng dahil sa pag-iwan sa kaniya ng live-in partner kaya ito nagpakamatay.

Pahayag pa ng ina, nitong mga nakalipas na buwan ilang beses na umanong nagpahayag ang anak na magpapakamatay ito dahil sa pag-iwan sa kaniya ng babae.

Hindi naman umano sila nagkulang para payuhan siya. Katunayan pinagamot pa nila ang lalaki pero bumalik din umano sa ganitong kondisyon.

Nabatid na tatlong taon nang hiwalay ang dalawa matapos umalis nalang umano bigla ang babae para umuwi sa kanilang lugar sa Iloilo.

Hindi naman sinabi ng ina ang tunay na rason kung bakit siya iniwan ng babae na kalaunan nabalitaan nila na nagpakasal na sa ibang lalaki.

Unang naabutan ng ina na nakabigti na ang anak nang umuwi ito sa bahay dahilan para dali-dali itong humingi ng tulong sa mga kapitbahay at sa isang konsehal.

Agad ring rumesponde ang mga tauhan ng Roxas City emergency response team. Isinugod nila sa ospital ang lalaki pero dineklara rin itong dead on arrival.

Kumbinsido naman ang pamilya na walang foul play sa nangyari.

Continue Reading
1 Comment

1 Comment

  1. Christian laure

    March 6, 2020 at 6:20 pm

    Updated talaga kayo

Leave a Reply

Your email address will not be published. Required fields are marked *