20 BARANGAY SA GUIMARAS, APEKTADO NG OIL SPILL DAHIL SA SUMABOG NA POWER BARGE SA LAPUZ

Guimaras – 20 barangay sa Jordan at Buenavista ang naapektuhan ng oil spill dahil sa sumabog na power barge sa Bo. Obrero, Lapuz nitong Hulyo 3.

Kabilang sa mga apektadong barangay ang Rizal, Hoskyn, Balcon Milleza at Morobuan sa Jordan at barangay Montpiller, Rizal, Sto. Rosario, Magsaysay, Zaldivar, Sawang, Taminla, Dagsaan, Tacay, Getulio, San Miguel, Navalas, Bacjao, Tanag, Umilig at Avila sa Buenavista.

Batay sa survey ng Provincial Disaster Risk Reduction and Management Office (PDRRMO) may nakitang bunker fuel sa mga naturang areas.

Ayon kay Guimaras PDRRM Officer Ms. Teresita Siason agad-agad naman na inalerto ang mga lugar at nag-deploy din ng spill booms roon.