DALAWANG BARANGAY SA BACOLOD, TINANGGAL NA SA “ULTRA RISK AREA”

Tinanggal na sa listahan ng ultra risk areas ang Purok Bulak, Barangay Mandalagan at Easthome 3, Barangay Estefania sa syudad ng Bacolod.

Ayon kay Bacolod City Vice Mayor El Cid Familiaran, negatibo ang naging resulta sa isinagawang Covid-test sa kapatid ni Patient Number 2 na umuwi galing Iloilo matapos sunduin ito sa Banago Port.

Negatibo rin sa nasabing COVID-19 ang mga magulang ng pasyente na kanyang tinirahan sa Easthome 3.

Siniguro naman ni Familiaran na wala ng kaso ng COVID-19 ang naturang dalawang barangay na una nang ini-report na binisita ng pasyente.