DEP-ED PLANONG BUKSAN ANG SCHOOL YEAR 2021-2022 SA AGOSTO 23

Planong buksan ng Department of Education (DepEd) ang School Year 2021-2022 sa Agosto 23, 2021.

Ayon kay DepEd Undersecretary Diosdado San Antonio, nakatakdang matatapos ang school year 2020-2021 sa Hulyo 10.

Kung matutuloy ito, halos 6 na linggo na lamang ang magiging bakasyon ng mga mag-aaral. Taliwas ito sa nakasanayang 8 linggo o 2 buwan na bakasyon sa mga nakaraang taon.

Inihayag din ni San Antonio na naghahanda din ang ahensiya para sa ideal scenario sa susunod na school year.

Aniya, posibleng ipatupad ang limited in-person classes kasabay ang distance learning modalities.