PHILHEALTH HEARINGS, NATAPOS NA NG SENADO

Nakatakdang magpalabas ng committee report ang Senate Committee of the Whole sa pangunguna ni Senate President Vicente Sotto III may kaugnayan sa anomaliya sa Philippine Health Insurance Corporation o Philhealth makaraang matapos na ang imbestigasyon ng senado.

Ayon kay Sotto, kanya ng pino-formulate ang committee report na ipapalabas niya sa lalong madaling panahon.

Samantala, naniniwala si Sen. Panfilo Lacson na ang mga ebidensyang naipon at iprenisenta sa Senate hearings ay may basihan para panagutin ang mga opisyal ng PhilHealth.

Nauna nito, sinuspende ng Office of the Ombudsman ang 13 mga executives ng PhilHealth para hindi na makaapekto sa imbestigasyon ng Senado.