2nd WAVE NG COVID 19, NARARANASAN NA NG PILIPINAS – DOH SEC. DOQUE

Kinumpirna ni Department of Health Sec. Francisco Doque III na nararanasan na ng Pilipinas ang “second wave” ng COVID 19 transmission.

Sa isinagawang hearing ng Senate Committee of the whole kahapon, ipinahayag ni Doque na ginawa ng gobyerno ang lahat ng preparasyon para maiwasan ang pagdami ulit ng mai-record na kaso.

Nairecord ang first wave ng outbreak noong Enero na unang ma detect ang mga imported cases ng COVID 19.

“Actually nasa second wave tayo. ‘Yong first wave nag-umpisa, batay po sa ating mga batikang epidemiologist, na ang first wave natin happened sometime in January–noong nagkaroon po tayo ng tatlong kaso ng mga Chinese nationals from Wuhan” pahayag ni Doque.

Ipinasiguro naman ng kalihim na ginagawa ng gobyerno ang lahat para ma-flatten ang epidemic curve.