Tatlong bansa sa Europa nakapagtala ng mahigit 500 nasawi sa COVID—19 sa magdamag

Sa mga bansa sa Europa na apektado ng COVID-19 ang Italy, France at Spain ang nakapagtala ng mahigit 500 nasawi sa COVID-19 sa loob lamang ng isang magdamag.

Sa pinakahuling datos, ang Italy ay nakapagtala ng 525 na pinakabagong nasawi sa sakit kaya umabot na sa 15,887 ngayon ang kanilang death toll.

Umabot na din sa mahigit 128,900 ang kaso ng COVID-19 sa Italy.

Ang France naman ay nakapagtala din ng panibagong 518 na nasawi kaya umabot na sa 8,078 ang bilang ng kanilang death toll at mahigit 92,800 na kaso ng sakit.

Ang Spain ay nakapagtala din ng 571 na nasawi sa magdamag hanggang sa umabot na sa 12,518 ang bilang ng nasawi sa bansa.

Mayroon din itong mahigit 130,800 na kaso ng COVID-19.

Source: radyo.inquirer.net