China nagpatupad ng travel ban sa Wuhan city dahil sa new coronavirus outbreak

Ipinahinto ng mismong gobyerno ng China ang lahat ng biyahe ng eroplano sa mga paliparan sa Wuhan City dahil sa outbreak ng new coronavirus.

Nagpatupad na ang mga otoridad ng travel ban sa kanilang residente patungo sa siyudad ng Wuhan maging ang paglabas ng mga mamamayan sa naturang lugar ay pinagbabawal na din.

Ang nasabing hakbang ay upang maawat ang pagkalat ng new coronavirus na kahalintulad ng SARS.

Samantala, ayon sa World Health Organization (WHO) pinagliban muna nito ang pagdedesisyon kung idedeklara na ba ang global health emergency dahil sa nasabing sakit.

Batay sa WHO, kailangan pang mangalap ng karagdagang mga impormasyon at magsagawa ng mas masusing pag-uusap.

Muli pang magpupulong ang emergency committee ng WHO para ituloy ang diskusyon.

Source: radyo.inquirer