Nasawi
ang 31 katao at 100 naman ang sugatan sa naganap na stampede habang nagdiwang
ang mga Shiite Muslims ng Shia holy day of Ashura sa Karbala, Iraq.
Batay
sa spokesman ng Karbala province’s media office, nangyari ang stampede habang
ginaganap ang isang ritwal na “Tuwairij run”, isinasagawa ito sa
pamamagitan ng pagtakbo patungo sa Imam Hussein Mosque.
Ayon
sa ulat, natisod at natumba ang isang tao, na kung saan naging dahilan ng
pagkatumba ng karamihan.
Ngunit sa pahayag naman ng Karbala security official, overcrowding umano ang dahilan ng nasabing insidente.
“People were pushing
each other which resulted in the stampede and the death and injury of many
pilgrims,” saad ni Health Ministry spokesman Saif Al Badr.
Bawat
taon, daan-daang libong mga Shiite Muslim ang bumibiyahe sa Karbala para sa
somber day ng Ashura, para sa paggunita sa pagpatay sa apo ni Propeta Muhammad
na si Imam Hussein, noong 680 A.D.
Samantala,
magugunita nitong 2004, mahigit 140 katao ang nasawi matapos ang sunud-sunod na
pambobomba sa mga shrine sa Karbaal at Baghdad habang ginugunita ang Ashura.
