10,000 inmates sa Afghanistan, nakatakdang palayain dahil sa COVID-19

Nasa halos 10,000 na mga preso ang nakatakdang palayain sa Afghanistan para mapigilan ang pagkalat ng nakamamatay na sakit na coronavirus disease 2019 (COVID-19).

Karamihan sa mga makakalaya ay ang mga inmates na nasa edad 55 anyos pataas, mga may sakit at kababaihan ayon kay Attorney General Farid Hamidi.

Dagdag pa nito, hindi kasama sa papalayain ang mga miyembro ng islamist militant groups na taliban o islamic state.

“The decree is not for those who have committed crimes against national and international security,” ani Hamidi.

Ayon kay Prisons chief Ahmad Rashed Totakhail, ang nasabing 9,000 hanggang 10,000 na mga preso ay pakakawalan sa susunod na sampung araw.

SOURCE: https://www.thenews.com.pk/latest/634886-coronavirus-afghanistan-orders-release-of-nearly-10000-inmates , https://www.thejakartapost.com/news/2020/03/26/afghanistan-to-release-up-to-10000-prisoners-to-slow-coronavirus-spread.html , https://www.urdupoint.com/en/world/afghanistan-to-release-about-10000-inmates-t-875278.html