BIYAHE NG MGA RORO VESSELS, FASTCRAFTS MULA ILOILO – NEGROS AT PABALIK KANSELADO DAHIL SA BAGYONG LANNIE

Kanselado ang biyahe ng mga RoRo vessels at fastcrafts mula Iloilo papuntang Negros at vice versa ngayong Lunes, Oktubre 4 dahil sa bagyong Lannie.

Kinumpirma ito mismo ni Commander Edison Diaz ng Coast Guard Iloilo matapos isailalim ang Panay Island at Guimaras sa Signal Number 1 dahil sa Tropical Depression Lannie.

Samantala, patuloy naman ang biyahe ang mga sea vessels mula sa Iloilo City papuntang Guimaras.

Ayon kay Commander Diaz, special area ang Guimaras kaya’t patuloy pa ang biyahe roon.

Aniya, temporaryong pinapatigil ang biyahe ng fiberglass boat kung bubuhos ang ulan na may dalang malakas na hangin.