Connect with us

Iloilo News

10 KAWANI NG PH COAST GUARD SA WESTERN VISAYAS, NAGPOSITIBO SA COVID-19

Published

on

Isinailalim sa lockdown ang tanggapan ng Philippine Coast Guard District Western Visayas sa Iloilo City matapos magpositibo sa COVID-19 ang 10 sa kanilang mga kawani.

Ayon sa tagapagsalita ng Coast Guard District Western Visayas na si Commander Edison Diaz, nakaramdam ng mga sintomas ang apat na kawani kaya naman sumailalim sila sa swab test at kinalauna’y nagpositibo.

Agad na nagsagawa ng contact tracing ang tanggapan at nadagdagan ng anim pa ang mga nagpositibo sa COVID-19.

Kasalukuyang nasa quarantine facility ng lungsod ang 10 kawani at patuloy pa ang isinasagawang contact tracing para sa mga nakasalamuha ng mga ito.