KZ Tandingan at TJ Monterde, kinasal na sa pamamagitan ng music video

Ikinasal na ang long-time sweethearts at singer-composer na sina KZ Tandingan at TJ Monterde.

Sa pamamagitan ng isang music video na ibinahagi ni TJ Monterde, ipinakita nila ang naging intimate wedding nila na ginanap sa Batangas.

Ikinasal and dalawa noon pang Agosto 28 ng kasalukuyang taon.

Sa umpisa ng music video ng kanta nilang “Can’t wait to say I do”, ipinaliwanag nila ang mga pag-iingat pa rin na kanilang ginawa bilang ang kasal nila ay ginanap sa gitna ng pandemya.

“Safety is our main priority; hence we chose a venue that provides a COVID-free environment,”

“Everyone involved underwent a series of COVID-19 testing and were cleared before entry as we complied responsibly with all the strict guidelines,” ang mababasa sa umpisa ng video

Narito ang music video ng kantang “Can’t Wait To Say I Do”:

https://www.youtube.com/watch?v=D8Hg-7PiyDk

Ilan sa makikitang personalidad  sa video na dumalo ay sina Martin Nievera at Ebe Dancel.

Matatandaang December pa ng nakaraang taon engaged ang dalawa at nito lamang Agosto natuloy ang kanilang pag-iisang dibdib.

via| msn