Country music legend na si Kenny Rogers, pumanaw sa edad na 81

Pumanaw na ang music legend na nagpasikat ng kantang “Lady” at “The Gambler” na si Kenny Rogers sa edad na 81.

Ito ang kinumpirma ng kanyang management firm na SKH Music sa isang pahayag.

The Rogers family is sad to announce that Kenny Rogers passed away last night at 10:25PM at the age of 81. Rogers passed away peacefully at home from natural causes under the care of hospice and surrounded by his family. https://t.co/adxAgiMW2s pic.twitter.com/nggWiiotMT

— Kenny Rogers (@_KennyRogers) March 21, 2020

Nagpaplano na ang kanyang pamilya ng isang maliit at private funeral dahil na rin sa coronavirus outbreak.

Magugunitang inanunsyo ni Rogers ang kanyang pagreretiro sa kanyang final tour noong 2015 matapos ang kanyang halos anim na dekadang career.

“I’ve done this long enough,” anang singer, at saka sinabi na gusto niyang maglaan ng mas marami pang oras sa kanyang mga anak.

May 24 na number-one hits na naitala si Rogers sa kanyang karera at anim na beses na itinanghal na Country Music Association winner.

Nanalo rin ito ng tatlong Grammy awards at 19 na beses na naging nominado.