Julia Montes, balik-teleserye na

Ipapalabas na ngayong buwan ng Pebrero ang comeback project ni Julia Montes.

Ipinasilip sa unang pagkakataon ang ilang detalye ng action-drama mini series na “24/7” sa ilalim na produksiyon ng Dreamscape Entertainment.

Sa trailer ng mini series, makikita ang muling pagsabak ni Montes sa matinding aksyon at drama

Gaganap na isang security officer na naka-destino sa isang pagamutan ang karakter ni Montes, kung saan magkakaroon ng virus outbreak at tatamaan nito ang kanyang anak.

Ilan sa makakasama ni Montes sa serye sina Joross Gamboa, J.C. Santos, Arjo Atayde, Joem Bascon, Pen Medina, Meryll Soriano , Melissa Ricks, at marami pang iba.

Source: ABS-CBN News / https://news.abs-cbn.com/entertainment/01/31/20/247-photos-health-crisis-medicine-shortage-in-julia-montes-teleserye