Miss Universe 2018 Catriona Gray, tumanggap ng “Woman of the Year” award sa Dubai

Pagkatapos sumabak sa September New York Fashion Week, ay tumanggap ng ‘Woman of the Year’ award si Miss Universe 2018 Catriona Gray sa isang magazine sa Dubai.

Pinarangalan si Gray ng Xpedition Magazine kung saan dinaluhan ng mga miyembro ng royal family, government officials at iba pang sikat na personalidad sa United Arab Emirates.

Ang Xpedition ay isang luxury travel at lifestyle magazine sa Dubai na nakapaglabas na din ng 3 cover ni Catriona.

Sa Instagram ng beauty queen, ibinahagi nito ang kanyang pagpapasalamat sa paghirang sa kaniya bilang XAGA Woman of the Year dahil sa mga humanitarian work nito.

Sa kanyang talumpati, ipinahayag ni Gray na hindi naman kailangan ng titulo o korona sa paglahok sa mga mabuting gawain para sa komunidad.

Bukod sa tumanggap ng parangal, nasa Dubai rin si Catriona para sa charity event ng Smile Train organization.

Source: Rappler.com