Umupo na bilang bagong Chief of Hospital ng Mambusao District Hospital si Dr. Ian P. Arciga.

Batay ito sa Memorandum Order No. 135, series of 2020 na nagre-re-assigned kay Dr. Arciga sa naturang posisyon.

Ang memorandum ay inaprubahan ni Gov. Nonoy Contreras nitong Oktobre 12.

Kaugnay rito, nirelieved muna siya sa kaniyang pwesto bilang Medical Officer III sa Roxas Memorial Provincial Hospital kung saan siya dating nadestino.

Kasama sa otorisadong tanggapin ni Dr. Arciga ay ang RATA o Representation and Transportation Allowance.

Pinalitan ni Dr. Arciga si Dr. Florencio Luching na ngayon ay nadestino sa Outpatient Department ng Roxas Memorial Provincial Hospital (RMPH) sa Brgy. Lanot, Roxas City.