Tatlong bahay tinupok ng apoy sa Dumalag, Capiz; isa patay

Patay ang isang lalaki sa Brgy. Poblacion, Dumalag, Capiz matapos masunog kaniyang bahay madaling araw nitong Martes.

Kinilala ang bitkima na si Eddiemart Alba, 43-anyos, residente ng nasabing lugar at isang empleyado ng Department of Public Works and Highways (DPWH) Capiz 2nd District.

Batay sa report ng Dumalag Bureau of Fire Protection, naganap ang insidente dakong alas-1:58 ng madaling araw. Nagsimula umano ang sunog sa bahay ng biktima.

Sinasabing ini-init ng biktima ang kaniyang ulam nang ito ay makatulog dahil sa kaniyang ininom na alak.

Mabilis na kumalat ang apoy kung saan totally burned ang bahay nina Tito Fecundo at Alicia Fecundo pati ang bahay ng biktima.

Partially burned naman ang dalawang bahay sa harap ng mga ito pati na ang tatlong mga motorsiklo.

Yari sa mga mixed materials ang mga nasabing bahay.

Tinatayang nasa Php300,000 ang pinsalang dulot ng nasabing sunog.