56-anyos na lalaki arestado sa Roxas City dahil sa 2 counts of Homicide

Arestado ang isang 56-anyos na lalaki sa Brgy. Tanque, Roxas City magtatanghali araw ng Biyernes dahil sa two counts of Homicide.

Kinilala ang akusado na si Manuel Olmedo y Camacho Jr alyas “Toto”, isang tindero at residente ng nasabing lugar.

Ang kanyang warrant of arrest ay ibinaba ni Judge Salvador Gubaton ng Regional Trial Court dito sa Roxas City noon pang 1994.

Ang warrant ay isinerbe ng mga tauhan ng Roxas City PNP.

Php15, 000.00 kada count ang itinakdang piyansa ng korte sa pansamantalang paglaya ng akusado.

Temporaryo siyang ikinulong sa Roxas City PNP Station para sa kaukulang disposisyon.