45 anyos na lalaki arestatado sa kasong Homecide sa Dao, Capiz

Arestado ang isang 45-anyos na lalaki sa Brgy. Balucuan, Dao, Capiz sa kasong Homicide.

Si Jomarie Legaspi alyas Kambang, residente ng nasabing lugar ay inaresto ng kapulisan hapon ng Lunes.

Siya ay inaresto ng Dao PNP sa pangunguna ng kanilang hepe na si PCapt. Efren Yu-ing kasama ang mga tauhan ng CIDG at Capiz PFU sa bisa ng warrant of arrest.

Ang warrant ni alyas Kambang ay inilibas at nilagdaan ni Presiding Judge Esperanza Isabel Poco-Deslate, RTC, 6th Judicial Region, Branch 19, Roxas City nito lang Hunyo 16.

Php120,000 ang piyansa na itinakda ng korte para sa pansamantalang paglaya ng akusado.

Pansamantalang dinala sa Dao PNP Station si “Kambang” at nakatakdang dalhin sa kaukulang korte.