Connect with us

Capiz News

Roxas City naglaan ng Php60-M pondo para sa pagbili ng COVID-19 vaccine

Published

on

Inaprobahan ng Sangguniang Panglungsod ng Roxas City ang Php60-M pondo na gagamitin sa pagbili ng bakuna kontra COVID-19 nitong Martes.

Sa isang press conference ng parehong araw sinabi ni Mayor Ronnie Dadivas na plano niyang mabakunahan ang 70 porsyento ng populasyon sa lungsod.

Habang manggagaling naman aniya sa nasyonal ang bakuna para sa natitirang 30 porsyento ng populasyon.

Sinabi ng alkalde na nakipagpulong na ito sa ilang mga pharmaceutical firms para masigurong ang bakuna na bibilhin ng gobyerno lokal ay para sa ikabubuti ng mga residente.

Uunahin aniya sa pagbakuna ang mga frontliners kabilang na ang mga health care workers, mga uniformed personnel, pati na mga social workers, senior citizens at mga indigents.

Ayon sa alkalde, ang Php60-M ay galing sa natirang pondo ng lungsod noong 2019 at 2020.

Nais namang ipaintindi ni Dadivas na mahaba pang proseso ang gugulin ng lokal na pamahalaan sa pag-order, alokasyon, produksyon, shipping at vaccination. Posible aniyang abutin pa ng ilang buwan.

Continue Reading
Advertisement

Click to comment

Leave a Reply

Your email address will not be published. Required fields are marked *