MAY ARI NG TESLA NA SI ELON MUSK, TINANGHAL NA PINAKAMAYAMANG TAO SA BUONG MUNDO

Naungusan ng may-ari at CEO ng Tesla Inc. na si Elon Musk si Jeff Bezos bilang pinakamayamang tao sa buong mundo, ayon sa Bloomberg Billionaires Index ngayong 2021 . Mula taong 2017 hanggang 2020, si Bezos na siyang nagtatag ng Amazon, ang dating kinikilalang pinakamayaman.

Pumalo sa $195 billion ang net worth ni Musk, kumpara sa yaman ni Bezos na tinatayang nasa $185 billion.

Sinasabing hindi malalagpasan ni Musk ang yaman ni Bezos kung hindi dahil sa pagiging pilantropo ng huli. Umaabot sa $680 million ang kabuuang donasyong ipinalabas ni Bezos.

Sa kabila ng balitang ito, simple lamang ang naging reaksyon ng 49 taong gulang at South African-born entrepreneur na si Musk dito, na idinaan niya sa Twitter. Ani Musk, “How strange.” Sinundan niya ito ng isa pang post na “Well, back to work.”

Source: https://www.nytimes.com