Connect with us

Business

DTI: Presyo ng noche Buena items hindi na tataas ngayong holiday season

Published

on

Siniguro ng Department of Trade and Industry (DTI) na hindi na gagalaw pa ang presyo ng noche buena items ngayong holiday season.

Nag-ikot ang mga opisyal ng DTI araw ng Huwebes sa ilang mga palengke sa Quezon City at tiningnan ang presyo ng noche buena items.

Ayon kay DTI Consumer Protection Group Usec. Ruth Castelo, mapapako na ang presyo ng noche buena products hanggang sa katapusan ng Disyembre batay sa suggested retail price bulletin na inilabas noong October 30.

“We give the assurance sa consumers natin na kung ano iyong nasa suggested retail price bulletin na released on October 30, 2019 ito na iyong magiging presyo until after the holidays,” ani Castelo.

Sa katapusan pa anya ng Enero o Pebrero papayagan ang pagtaas sa presyo ng ilang produkto.

Sinabi pa ni Castelo na may ilang supermarkets na mas mababa pa ng P1 hanggang P10 sa SRP ang bentahan ng ilang produkto gaya ng mayonnaise, pasta tomato sauce, fruit cocktail, ham at queso de bola.

Narito ang bentahan ngayon ng ilang panghanda sa Pasko:

– Spaghetti (1 kilo) Ngayon: P88 (SRP noong Oktubre: P92.50)
– Keso (400 grams) Ngayon: P200.75 (SRP noong Oktubre: 205)
– Fruit Cocktail (3 kilos) Ngayon: P200.50 hanggang P232.75 (SRP noong Oktubre: P202.20 hanggang P235.75)
– Mayonnaise Ngayon: P70.60 hanggang P83.35 (SRP noong Oktubre: P79.50 hanggang P83.25)

Aminado naman ang opisyal na may mga nagbebenta ng mas mataas ang presyo na hindi na nila nababantayan o yaong mga labas sa supermarket.

Dahil dito, pinayuhan ni Castelo ang consumers na sa supermarkets lamang bumili.

“We encourage the consumers na doon sila bumili sa supermarkets na sigurado silang binabantayan ng DTI,” ani Castelo.

Article via| Radyo Inquirer

Position: Production Staff Years/background in Media works: 4yearsWhy chose this profession:Mass Communication helps me in building my personality and overcome my shyness. I can now see my improvement because I am now comfortable in speaking and socializing with people. Principle in life: Never give up on something you really want. It's difficult to wait but it's more difficult to regret.

Continue Reading
Advertisement

Click to comment

Leave a Reply

Your email address will not be published. Required fields are marked *