DTI, NAGBABALA SA PUBLIKO SA PAGBILI NG MGA SUBSTANDARD NA MGA CHRISTMAS ITEMS

Muling nananawagan ang Department of Trade and Industry (DTI) sa publiko na iwasan ang pagbili ng mga substandard na mga Christmas lights ngayong malapit na ang holiday season upang maiwasan ang kapahamakan.

Ayon sa DTI, kailangan malaman kung may Philippine standard mark ang Christmas lights at ang ICC sticker nito ay mula 2013 pataas.

Maliban dito, pinapaalalahanan rin ng ahensya ang mga negosyante hinggil sa mga presyo ng mga Christmas items na sumunod sa ipinapatupad na suggested retail prices.

Samantala, sinabi naman ni Christopher Dalhog, Trade-Industry Development specialist sa DTI-Davao, kasalukuyan ay wala pang ipinapatupad na pagtaas ng presyo sa mga Noche Buena items.

Patuloy din umano nilang mino-monitor ang mga tindahan upang mapigilan ang pagsasamantala sa mga mamimili.

By Sheila Lisondra

Source/Via: radyopilipinas