Nalampasan na ng Singapore ang Estados Unidos bilang world’s most competitive economy, ayon sa World Economic Forum (WEF).
Batay sa ulat, naitala ng Singapore ang
84.8 out of 100 score sa WEF scale kung saan tinalo nito ang lahat ng bansa sa
usapin ng infrastructure quality at economic openness.
Sa usapin naman sa life expectancy, labour market at worker protection ay nangunguna pa rin ang Singapore.
Ang Estados Unidos na may iskor na 83.7
ay nalaglag sa ikalawang pwesto dahil sa lower domestic competition, nabawasang
trade openness at hindi gaanong pagkakasundo ng business leaders.
Gayunman, nananatili pa rin umanong innovation powerhouse ang US at nangunguna sa business dynamism pillar, pangalawa sa innovation capability at una rin sa skilled employees.
Samantala, pasok din ang iba pang bansa
sa East Asia at Pacific Region sa top 10 most competitive kabilang ang Hong
Kong at Japan.
Ang iba pang bansang pasok sa top 10 ay ang mga European countries partikular ang The Netherlands, Switzerland, Germany, Sweden, United Kingdom at Denmark.
By: Rhommel Balasbas
Source / Via: https://radyo.inquirer.net/209225/singapore-naungusan-na-ang-us-bilang-worlds-most-competitive-economy
