Banga, Aklan – KRITIKAL ngayon ang isang 51-anyos tricycle driver makaraang barilin ng kapwa tsuper dahil sa agawan ng pasahero kagabi sa Brgy. Ugsod, Banga.
Kinilala ni PSSg. Randy de Pablo ng Banga PNP, si Alfredo Nabor ng Linabuan Sur Banga at ang suspek na si John Romaquin, 50 anyos, ng Ugsod, Banga.
Batay sa ulat, nag-agawan umano ng pasahero ang suspek at biktima dahilan ng pamamaril.
Ayon naman sa ulat ng pulisya, nag-overtake ang biktima sa traysikel na minamaneho ng suspek pagdating sa Cupang na ikinagalit nito.
Doon nagsimulang habulin ng suspek ang biktima saka hinarang at sinuntok.
Gumanti naman ang biktima subalit bumunot ng baril ang suspek saka siya pinaputukan sa dibdib at ulo.
Sumbong ng apat na pasahero ng biktima, tumakas ang suspek matapos ang pamamaril.
Sa ngayon ay kailangan na dalhin ang biktima sa lungsod ng Iloilo dahil sa kanyang kritikal na kondisyon habang ang suspek ay patuloy na pinaghahanap ng mga kapulisan.
Nabatid na ang suspek ay isang drug surrenderee at natapos na nito ang rehabilitation program ng gobyerno.
Nasa pink zone status na ng ASF o African Swine Fever ang limang munisipalidad sa…
NAKUHAAN ng mga drug paraphernalia ang isang kusinero sa checkpoint ng kapulisan sa bahagi ng…
AABOT na sa halos P1.3 milyon na halaga ng shabu ang narekober sa mga ikinasang…
SUMILKAB ang malawak na grassfire nitong Huwebes sa bahagi ng Cupang, Banga. Pasado alas-11:16 ng…
Timbog sa isinagawang drug buy bust operation ng mga operatiba ang mag-amang tulak ng iligal…