TATLO, SUGATAN MATAPOS MABANGGA NG LASING NA RIDER NG MOTORSIKLO

Tatlo ang sugatan matapos aksidenteng mabangga ng lasing na riser ng motorsiklo mag-aalas 8:30 kagabi sa Calacuchi Road, Andagao, Kalibo.

Nakilala ang mga biktimang sina Armando Cecilio Diaz, 48 anyos ng Lauan, Antique, Era Joven, 63 anyos ng Andagao, Kalibo at apo nitong si Erjay Joven, 17 anyos, ng Estancia, Kalibo, habang nakilala naman ang driver ng nakabanggang motorsiklo na si Joe Clarence Gaviola, 25 anyos ng Ambolong, Batan.

Base sa imbestigasyon ng pulis, naglalakad sa kalsada ang tatlo sa kalsada nang bigla umanong mabangga ng nasabing motorsiklo.

Sanhi nito, nagtamo ng sugat sa katawan ang mga biktima kung saan confined sina Diaz at ang babaeng biktima, habang out patient naman ang kanyang apo.

Samantala, nabatid na nagtamo ng gasgas sa kanyang braso ang lasing na driver na ginamot din sa ospital subali’t kasalukuyang nasa kostodiya ng Kalibo PNP Station para sa karampatang disposisyon.

Base naman sa imbistigasyon ng Radyo Todo, bigla umanong tumawid sa kalsada ang tatlo para makaiwas sa mga nag-aaway na aso sa kalsada subali’t aksidente namang nabangga ng motorsiklo.

Aminado naman ang driver na si Gaviola na nasa impluwensiya ito g alak nang mangyari ang insidente.