Kalibo, Aklan – Nakalatag na ang seguridad para sa Kalibo Sto.Niño Ati-atihan 2020.
Ayon kay PMajor Jake Barila, Deputy Chief for Operations ng Kalibo PNP, mahigpit ang gagawin nilang pag-inspeksyon sa mga gamit ng mga papasok o dadaan sa tinatawag na PSA o Pedestrian Screening Area at mahigpit na ipapatupad ang mga ordinansa ng munisipyo ng Kalibo kaugnay ng pagbabawal sa pagdadala ng mga de boteng inumin, sigarilyo, patalim at iba pang posibleng maging banta sa seguridad ng selebrasyon sa ‘festival zone’.
Bagama’t tumangging idetalye, sinabi pa ni Barila na magkakaroon din ng signal jamming sa mga piling lugar sa darating na January 18-19 bilang paghahanda sa posibleng ‘terroristic acts’.
Suspendido din umano ang PTC o ‘permit to carry’ para sa mga gun holders na ipapatupad simula sa January 13 hanggang January 20, 2020. Ibig sabihin, bawal ang pagdadala ng baril maliban sa mga pulis, army at iba pang law enforcement agencies.
Samantala, inaasahan din ang pagdating ngayong araw ng mga karagdagang pulis mula sa PNP Regional Office 6 na kasama sa kabuuang 1,700 na siyang babantay sa seguridad ng Kalibo Sto.Niño Ati-atihan 2020.
Nasa pink zone status na ng ASF o African Swine Fever ang limang munisipalidad sa…
NAKUHAAN ng mga drug paraphernalia ang isang kusinero sa checkpoint ng kapulisan sa bahagi ng…
AABOT na sa halos P1.3 milyon na halaga ng shabu ang narekober sa mga ikinasang…
SUMILKAB ang malawak na grassfire nitong Huwebes sa bahagi ng Cupang, Banga. Pasado alas-11:16 ng…
Timbog sa isinagawang drug buy bust operation ng mga operatiba ang mag-amang tulak ng iligal…