Pagsasampa ng kaso laban sa security agency ni Torrefiel, pag-aaralan pa ng pamilya Ambay

Pinag-aaralan pa ng pamilya Ambay ang posibilidad na sampahan ng kaso ang security agency ni Mark Archie Torrefiel na Lion Heart Security Agency.

Sa panayam ng Radyo Todo, sinabi ni Bonifacio Ambay, ama ni Bonna Hercia Ambay na sa ngayon ay inuuna muna nilang asikasuhin ang burol ni Bonna, “Sa makaron daw ginauna gid namon nga maplastar lang bala ang akon bata.”

Nakadepende umano sa kanilang legal counsel na si Atty. Benjamin Candari Jr. ang desisyon sa agency na pinasukan ni Torrefiel.

Kaugnay nito, kinumpirma ni Bonifacio na nagpaabot na rin ng assistance ang security agency sa kanila.

Samantala, ginanap na presscon noong Biyernes, Hunyo 10, 2022, nanindigan ang Lion Heart Agency na nag-comply si Mark Archie Torrefiel sa kanilang hinihinging mga requirements tulad ng NBI Clearance, Neuro, Drug test at Security License base na rin sa RA 5487 na dapat maipasa ng isang guard applicant bago matanggap.

Umapela rin si Lion Heart Agency na si Michael Anthony Bercadez huwag lahatin ang mga security guards dahil sa maling ginawa ni SG Torrefiel.

Kung maaalala, si Torrefiel ang sekyu na pumaslang kay Bonna Ambay na natagpuang duguan at walang buhay sa loob ng RD Pawnshop nitong Hunyo 6, 20222.