Pagdinig sa Petrowind Project Phase 2, di patas – Nabaoy Defenders

Naniniwala si Dr. Rebecca Tandug Barrios, advocate for environmental protection and conservation na hindi patas ang mga naging pagdinig sa isyu kaugnay sa Nabas Petrowind Project Phase 2 sa Nabaoy.

Giit nito, ginawa na nila ang lahat ng paraan para maipaabot ang pagtutol ng mga taga Nabaoy sa proyekto pero tila hindi sila pinakikinggan.

Maging sa ginanap na Sangguniang Panlalawigan hearing nitong Martes ay binigyan lang sila ng dalawang minuto para makapagsalita.

Saad niya, “Gingamit eon naton ro diplomasya, gingamit eon naton ro proper channel it dialogue, mga hearing, mga forum, pero matsa uwa gid-a kita napamatian. Ag sa pamatyag naton hay one-sided ah. There’s impartiality in the hearing of this case.”

Aniya, kung maaari lang umanong mailipat ang ilog ay gagawin nila ito pero imposible ito kaya hiling nila na dapat na i-relocate ang tatlong natitirang turbina ng Petrowind malayo sa Nabaoy watershed.

“Indi pwede nga ro Malay ag Nabaoy ta ro ma-adjust sa turbina, ro turbina ta kunta ro gaiswag,” dagdag nito.

Matatandaang, inaprubahan na sa 7th Regular Session ng SB Malay nitong February 22, 2024 ang CSR ng Petrowind.

Dahil dito, kinuwestiyon ng Nabaoy Environmental Defenders ang dahilan kung bakit pabor ang mayoriya ng Malay Sangguniang Bayan members sa pag re-endorse ng Phase 2.

Kasama sa mga pumabor sa Phase 2 sina, Vice Mayor Niño Cawaling, Liga VPres Mannie Casidsid, SB Datu Sumndad, SB Dante Pagsuguiron at SB Lloyd Maming.

Kabilang naman sa mga nag “No” sina SB Vicky Aguirre, SB Natnat Paderes, SB Alan Palma at SK Pres Sheila Sacapaño, samantala, nag abstain si SB Junthir Flores at absent si SB Apio Casidsid.