Nilinaw ni Senior Citizen Federation President Popoy Melgarejo ng Poblacion, Kalibo na hindi pinipilit ang mga senior citizens na magpabakuna kontra COVID-19.
Taliwas ito sa mga kumakalat na balita na hindi makakapag-payout ng social pension ang mga senior citizen na hindi bakunado kontra COVID-19.
Sa kanilang pulong noong December 14, hindi aniya nabanggit ang tungkol sa pagpapatupad ng “No vaccine, No payout” sa mga senior citizen na pensionado ng Department of Social Welfare and Development (DSWD).
Wala rin daw siyang hawak na memorandum patungkol sa nabanggit na kautusan at kung mayroon man, siya mismo ang magtatanggol sa mga kapwa senior citizens para makatanggap sila ng pension.
Paliwanag ni Melgarejo, katiting lang ang natatanggap ng mga matatanda at alinsunod ito sa RA 9994 o Expanded Senior Citizens Act na naglalayong bigyan ng P500 ang mga indigent senior citizen na kwalipikado sa social pension ng DSWD.
“Ako mismo makipagsukoe kanda, kung anda ron nga iimplementar dahil inyo tang deretso ron nga makabaton kamo it inyo nga social pension, sangkiri malang ngani dun tapos indi pa nanda pagtaw-an,” saad ni Melgarejo sa panayam ng Radyo Todo. RT/MAS
Isang bulto ng shabu at granada ang nakuha ng mga awtoridad mula sa isang karpintero…
NABANGGA ng traysikel ang isang suv sa bahagi ng Capitol Site, Osmena Avenue, Kalibo ngayong…
BUMANGGA sa poste at inararo ng isang pampasaherong bus ang nakaparadang truck at L300 Van…
Nasa pink zone status na ng ASF o African Swine Fever ang limang munisipalidad sa…
NAKUHAAN ng mga drug paraphernalia ang isang kusinero sa checkpoint ng kapulisan sa bahagi ng…
AABOT na sa halos P1.3 milyon na halaga ng shabu ang narekober sa mga ikinasang…