LGU KALIBO, NAKIISA SA PAGGUNITA SA ARAW NG KAGITINGAN

Nakiisa ang LGU Kalibo sa pambansang paggunita sa Araw ng Kagitingan.

Sa isang maikling program na ginanap sa Pastrana Park ngayong umaga, pinangunahan ni Kalibo Mayor Emerson Lachica ang pag-aalay ng bulaklak sa mga bantayug ng ating mga bayani.

Ipinaabot din nito sa kanyang mensahe ang pagkilala at pagpasalamat sa mga sundalong Filipino na nag-alay ng kanilang buhay at paninindigan para sa kalayaan.

Ayon pa kay Lachica, dapat din umanong kilalanin ang mga tinaguriang ‘modern day heroes’ na patuloy na naglilingkod ng tapat.

Kasama din sa nasabing aktibidad ang mga taga Kalibo PNP, at ilang beterano at kanilang pamilya.

Ginugunita ang Araw ng Kagitingan tuwing ika 9 ng Abril.