Connect with us

Aklan News

LASING NA NAGPAPUTOK UMANO NG BARIL, KALABOSO

Published

on

Numancia – Arestado ang isang lasing matapos umanong magpaputok ng baril at magpahabol pa sa mga pulis kagabi sa Dongon, East, Numancia.

Nakilala ang suspek na si Cedric Caparal, 37 anyos ng nasabing lugar.

Base sa imbestigasyon ng Numancia PNP, alas 5:00 palang kahapon ng hapon nang dumating umano ang suspek at nag-iskandalo sa tindahan ni Linda Tirol doon rin sa nabanggit na lugar.

Hindi umano nila ito pinansin hanggang kusa itong umalis. Bandang alas 6:30 naman nang bumalik ang suspek at nagpaputok ng baril, rason na pinarespondehan na sa mga pulis.

Ayon pa sa Numancia PNP, wala na doon sa lugar ang suspek pagdating nila, subalit muli umano itong bumalik sakay ng motorsiklo at doon na kinumpronta.

Kasunod nito, sinasabing tumakas ang suspek sakay ng motorsiklo, subalit nasukol parin kinalaunan at naaresto.

Samanatala, bagama’t walang narekober na baril, sasampahan parin ngayong araw ng kasong Resistance and Disobedience to an Agent of a Person in Authority ang suspek, maliban sa kasong Alarm and Scandal na kanyang kakaharapin.

Kasalukuyan siyang nasa kustodiya ng Numancia PNP Station para sa karampatang disposisyon.

Continue Reading
Click to comment

Leave a Reply

Your email address will not be published. Required fields are marked *