Connect with us

Aklan News

Lalaking tumatawid sa kalsada sinalpok ng motor, inararo pa ng pick-up

Published

on

By

PHOTO: MDRRMO Numancia

Bali ang kaliwang kamay at paa ng isang 25 anyos na lalaki matapos masagasaan ng motorsiklo at inararo pa ng pick-up sa highway ng Bulwang, Numancia.

Kinilala ang biktimang si Sheldon Apolinario ng Bulwang, Numancia.

Batay sa ulat, naglalakad pauwi ang biktima dakong alas-9:00 ng gabi nang masagasaan ito ng motorsiklo na minamaneho ni Rogien Reyes, 46 anyos ng Badio, Numancia.

Tumilapon sa kalsada ang biktima at nawalan ng malay pero habang nakahandusay sa kalsada, dumaan ang isang Toyota Hilux at sinagasa ito.

Batay sa CCTV Footage, mula sa direksyon ng Numancia papuntang Kalibo ang driver ng gray Toyota Hilux na may plate number na FA8840.

Dumiretso ito at hindi tumigil para tulungan ang biktima kaya nananawagan ngayon ang kanyang ina.

Nakatakda na ring pumunta sa Land Transportation Office (LTO) ang mga otoridad para matukoy kung sino ang driver ng sasakyan.