Makato — Kalaboso ang inabot ng isang lalaki matapos mahulihan ng shotgun bandang alas 9:00 kagabi sa Calangcang, Makato.
Kinilala ng Makato PNP ang suspek na si Jaymar Barrientos, 28 anyos, at presenteng residente ng nasabing lugar.
Base sa police report ng Makato PNP, nag-iinuman umano ang suspek sa loob ng kanilang bahay kasama ang ilang miyembro ng pamilya at kapitbahay nang kinuha umano nito ang kanyang baril.
Base pa sa intelligence report na natanggap ng Makato PNP, ipinakita at ikinasa umano ito ng suspek sa kanyang mga kainuman.
Kaagad namang lumarga ang mga operatiba ng Makato PNP na nagresulta sa pagkakaaresto sa suspek habang hawak pa ang isang 12 gauge shotgun at nakaupo sa gilid ng kanilang pintuan.
Pansamantala siyang ikinustodiya sa piitan ng Makato PNP habang inihahanda ang kasong paglabag sa RA 10591 o Illegal Possession of Firearms and Ammunitions na isasampa laban sa kanya.
Samantala, kinumpirma naman ng Makato PNP na walang bala ang nasabing shotgun.
Isang bulto ng shabu at granada ang nakuha ng mga awtoridad mula sa isang karpintero…
NABANGGA ng traysikel ang isang suv sa bahagi ng Capitol Site, Osmena Avenue, Kalibo ngayong…
BUMANGGA sa poste at inararo ng isang pampasaherong bus ang nakaparadang truck at L300 Van…
Nasa pink zone status na ng ASF o African Swine Fever ang limang munisipalidad sa…
NAKUHAAN ng mga drug paraphernalia ang isang kusinero sa checkpoint ng kapulisan sa bahagi ng…
AABOT na sa halos P1.3 milyon na halaga ng shabu ang narekober sa mga ikinasang…