Bahay, nasunog sa Linabuan Norte Kalibo

Kalibo, Aklan—Patuloy pa Ang isinasagawang imbestigasyon ng Bureau of Fire Kalibo sa nangyaring sunog kaninang umaga sa Brgy. Linabuan Norte, Kalibo.

Nakilala ang may-ari ng bahay na si Mrs. Nida Pamatian, 60 anyos, residente ng nasabing lugar.

Ayon Kay FO1 Mark Jerome Mabacuiao napag alaman na walang tao sa nasabing bahay ng mangyari ang nasabing sunog mga dakong alas 10:00 kaninang umaga.

Napansin umano ng ilang mga residinte na nagliliyab na ang bahagi ng kusina ng bahay ng biktima.

Dagdag pa ni FO1 Mabacuiao na ayon sa may-ari ng bahay na posibleng naiwan nyang bukas ang LPG tank.

Ideneklarang fire out ang sunog dakong alas 10:13 ng umaga kung saan tinatayang umabot sa 50 thousand pesos Ang pinsalang idinulot ng nasabing sunog.