BAG NG PARI, NAIWAN AT NAPAGKAMALANG MAY BOMBA

Napasugod ang mga taga Provincial EOD/K9 Unit Aklan (Bomb Squad) sa bahaging ito ng Bagto, Lezo, corner by pass road dahil sa isang abandonadong bag sa kalsada.

Ayon sa Lezo PNP, bandang alas 5:30 kaninang umaga nang ireport sa kanila ng empleyado ng gas station ang abandonadong bag, na kaagad namang inaksyunan ng bomb squad hanggang sa matuklasang mga gamit pala sa misa ang laman nito.

Hawak na ngayon ng Lezo PNP ang mga gamit at patuloy na nakikipag-ugnayan sa simbahan para sa karampatang disposisyon.