APPO PROV’L DIR. PCOL. RAMIR PERLAS, PORMAL NANG NAGRETIRO

Pormal nang na retiro sa kanyang tungkulin si PCol. Ramir Perlas bilang Provincial Director ng APPO o Aklan Provincial Police Office.

Ginanap kaninang hapon ang Retirement Honor Ceremony para kay Perlas sa Aklan PPO Grandstand kung saan presente mismo si Police Regional Director PBgen. Flynn Dongbo para sa turnover ng PNP Badge ng nagri-reterong opisyal sa ilalim ng PNP SALAMAT KAPATID PNP Program.

Bahagi rin nasabing aktibidad ang blessing o pagpabendisyon sa multi-purpose hall doon na isa umano sa mga iniwang legasiya ni Perlas, at ang pagpapasinaya sa Heroes Wall Marker.

Samantala, itinalaga naman ng PNP Regioanl Office 6 si PLT.Col. Brindo Nacario bilang OIC o Officer In Charge ng Aklan PPO, na siya ring naging Deputy Provincial Director for Administration.

Magugunitang naupo bilang Provincial Director ng Aklan PPO si Perlas noong Enero 2021, kapalit ni dating provincial director PCol. Esmeraldo Osia Jr.