Sa pag-aakalang napatay niya ang kanyang ina ay sinaksak ng isang lalaki ang kanyang sarili dakong alas-11 kagabi sa Brgy. Pampango, Libacao.
Kinilala ng imbestigador na si Police Staff Sergeant Donald Albarado ng Libacao PNP ang biktimang si Dandin Rebucan, 35 anyos ng Brgy. Pampango, Libacao.
Lumalabas sa imbestigasyon na nagkaroon ng mainitang diskusyon sa loob ng bahay ng biktima kung saan tinangka nitong tagain ang kanyang sariling ina.
Inakala ni Rebucan na natamaan at napatay niya ang kanyang ina na nawalan ng malay kaya’t sinaksak nito ang kanyang sarili sa tiyan.
Kasalukuyang inoobserbahan sa Aklan Provincial Hospital ang biktima habang patuloy pa ang isinasagawang imbestigasyon ng pulisya.
Nabatid na may nag-iinuman sa kanilang bahay kasama na ang biktima ng mangyari ang insidente.
Isang bulto ng shabu at granada ang nakuha ng mga awtoridad mula sa isang karpintero…
NABANGGA ng traysikel ang isang suv sa bahagi ng Capitol Site, Osmena Avenue, Kalibo ngayong…
BUMANGGA sa poste at inararo ng isang pampasaherong bus ang nakaparadang truck at L300 Van…
Nasa pink zone status na ng ASF o African Swine Fever ang limang munisipalidad sa…
NAKUHAAN ng mga drug paraphernalia ang isang kusinero sa checkpoint ng kapulisan sa bahagi ng…
AABOT na sa halos P1.3 milyon na halaga ng shabu ang narekober sa mga ikinasang…