Bangkay na nang matagpuan ang 67-anyos na lalaki sa isang poso negro sa Sitio Puntod, Brgy. Dinginan, Roxas City matapos itong mawala ng nasa anim na araw.
Kinilala ang biktima na si Rizaldo Azuro, residente ng nasabing lugar.
Umamin naman ang 44-anyos na anak na si Roger na siya ang responsable sa pagpatay sa kanyang ama.
Nabatid na siya pa ang nagturo sa kaniyang ina kung saan niya itinago ang ama.
Ayon sa ina, tuwing malasing ang asawa ay sinasaktan nito ang suspek. Posible aniyang naubos na ang pasensiya ng huli dahilan para magawa niya ang krimen sa ama.
Napag-alaman pa na nakakaranas na ng sakit sa pag-iisip ang suspek dahil sa pananakit ng ama.
Nakitaan ng sugat ng taga sa kamay si Roger matapos dumepensa sa tangkang pananaga ng ama.
Pinaniniwalaang tinaga ng suspek ang ama sa kanyang leeg saka ito itinago sa poso negro.
Nakakulong na ngayon sa lock-up ng Roxas City PNP Station ang suspek habang nagpapatuloy pa ang imbestigasyon sa kaso.
Nasa pink zone status na ng ASF o African Swine Fever ang limang munisipalidad sa…
NAKUHAAN ng mga drug paraphernalia ang isang kusinero sa checkpoint ng kapulisan sa bahagi ng…
AABOT na sa halos P1.3 milyon na halaga ng shabu ang narekober sa mga ikinasang…
SUMILKAB ang malawak na grassfire nitong Huwebes sa bahagi ng Cupang, Banga. Pasado alas-11:16 ng…
Timbog sa isinagawang drug buy bust operation ng mga operatiba ang mag-amang tulak ng iligal…