Pansamantala munang ipinatupad ang temporary lockdown sa bahagi ng Sitio Libuton (McKinley at delos Reyes Street) sa Poblacion, Makato para sa contact tracing.
Batay sa Executive Order No. 001-2021 ni Punong Barangay Bobby Clyde Legaspi, magtatagal ang lockdown ng 24 na oras o isang araw na magsisimula ngayong ala-1:00 ng hapon at magtatapos bukas Pebrero 16, 2021.
Ito ay para mabigyang daan ang pagsasagawa ng contact tracing sa lugar at maiwasan ang pagkalat ng virus.
Lahat ng sakop ng lockdown ay bawal lumabas sa loob ng itinakdang oras maliban na lamang sa mga may emergency at mga Authorized Personnel gaya ng: Municipal Inter-Agency Task Force, Contact Tracing team, Municipal Health Office Personnel at miyembro ng Philippine National Police (PNP).
