Naiwang nakasinding kandila umano ang dahilan ng sumiklab na sunog sa isang bahay sa Boracay kaninang alas-3:20 ng hapon sa may Brgy. Yapak.
Batay kay RB Bachiller ng Boracay Action Group (BAG) BFRAV Fire, lumaki ang apoy dahil sa nakasinding kandila na naiwan at nahulog sa kutson.
Mabilis na kumalat ang apoy ngunit agad naman itong naapula dahil sa pagtutulungan ng mga residente.
Wala namang naiulat na nasaktan sa nangyaring insidente.
