Nasa pangangalaga na ngayon ng mga taga EOD o Explosive Ordnance Disposal ang isang granadang napulot ng isang beach cleaner bandang alas 10:00 ng umaga kahapon sa dalampasigan ng Yapak, Boracay.
Ayon sa Boracay PNP, napulot ito ng beach cleaner na si Roy Carpiano Echague, 25 anyos at residente ng Balabag, Boracay habang naglilinis sa Cove 3 ng New Coast.
Kaagad umano niya itong dinala sa Police Precinct 3 sa Yapak, na siya namang tumawag ng mga taga EOD para sa proper disposal nito.
