LALAKING NAGNAKAW NG ALAK SA GROCERY STORE, ARESTADO

Boracay Island – Arestado ang isang lalaki matapos mahuling kumuha ng alak sa isang grocery store kahapon sa isla ng Boracay.

Nakilala ang suspek kay Ariel Inventado, 35 anyos ng San Jose, Dumalag, Capiz at pansamantalang nakatira sa Brgy. Balabag, Boracay.

Inaresto ang suspek matapos mahuling kumuha ng dalawang Carlo Rossi wine at isang Tanduay na inilagay nito sa kanyang backpack.

Kaagad nahuli ang suspek nang mapansin ito ng staff ng grocery store na kaagad na humingi ng tulong sa naka duty na MAP.

Kanina ay dinala na sa bayan ng Kalibo ang suspek para sampahan ng kaso.