32 ANYOS NA BABAE NAGBIGTI, PATAY

Numancia – Nagbigti-patay umano kagabi sa loob ng kanilang kubo ang isang 32 anyos na babae sa Numancia.

Ayon sa Numancia PNP, natagpuan lamang umano ito ng kanyang live in partner na nakabitay gamit ang lubid.

Kaagad umanong pinutol ng kanyang partner ang lubid at tinanggal ang babae mula sa pagkakabitay, bago dumating ang mga pulis.

Samantala, bamaga’t inaalam pa ang dahilan ng pagpapakamatay, kinumpirma naman ng Numancia PNP na walang foul play sa pagpapatiwakal ng babae.

Kaagad siyang dinala sa isang punerarya at nakatakdang isailalim sa post mortem examination.

Napag-alamang wala pang mga anak ang nasabing maglive-in partner.