Posibleng sampahan ng kasong murder ang 29 anyos na suspek sa
pagpatay kay Donato Bautista sa Brgy. Aquino, Ibajay nitong bagong taon
Miyerkules ng madaling araw.
Sa ginanap na press conference kahapon ng Ibajay PNP, sinabi
ni PMaj. Ariel Nacar na inihahanda na nila ang isasampang kaso laban kay Jervy Macahilig
Conanan, matapos itong sumuko sa mga taga Aklan 1st Mobile Company
ng Aklan PPO.
Batay sa imbestigasyon ng pulisya, nag-ugat ang krimen sa nangyaring
insidente kung saan pinasok ng isang di kilalang suspek ang bahay ng mag-asawang
Marina at Rolando Delfin at tinangkang halayin ang kanilang 18 anyos na apo.
Samantala, todo tanggi ang suspek sa harap ng media kahit na positibo
siyang itinuturo ng pamilya ng biktima.
Pinag-aaralan din ng Ibajay PNP na sampahan ng kasong frustrated
murder at attempted Rape ang suspek.
